Talan að ofan er nýjasta mælda hámarksgildi UV stuðuls, sem er mælikvarði á styrk útfjólublárrar geislunar, skv. Vantage Pro 2 mæli (Davis Instruments, USA) á þaki Geislavarna ríkisins að Rauðarárstíg 10, 105 Reykjavík. Gildið uppfærist á 20-30 mínútna fresti. Línurit yfir mæligildi síðustu sjö sólarhringa má sjá neðar á þessari síðu. Línurit yfir mæld gildi UV stuðuls síðustu 12 mánaða má nálgast hér eða með því að smella á mæligildið að ofan. Mæligildi birt til fróðleiks og án ábyrgðar.

Í alþjóðlega UV appinu SunSmart má sjá hvenær þörf er á að nota sólarvarnir yfir daginn, hvar sem maður er í heiminum. Appið sýnir áætlað UV gildi miðað við heiðskírar aðstæður. Gjaldfrjálst er að hlaða niður appinu bæði í App store og Google Play.

UV mælir á þaki Geislavarna ríkisins að Rauðarárstíg 10, 105 Reykjavík, er af gerðinni Vantage Pro 2 og framleiddur af Davis Instruments (Hayward, CA, Bandaríkjunum). Mælirinn hleður upp mældum gildum á UV stuðli á 15 mínútna fresti í gegnum WeatherLink þjónustuna (hér má sjá yfirlit mælisins á Weatherlink). Fyrir hvert 15 mínútna mælitímabil verður til hámarks- og meðaltalsmæling á UV stuðli yfir tímabilið. Grafið að neðan sýnir mæld hámarksgildi fyrir síðustu þrjá sólarhringa. Þegar sól er lágt á lofti yfir háveturinn skilar mælirinn ekki mæligildum síðla nætur og snemma dags vegna lítillar hleðslu á sólarrafhlöðu mælisins.

Línurit yfir mæld hámarksgildi á UV stuðli síðustu 12 mánuði og áætluð gildi síðustu 5 ár má nálgast hér eða með því að smella á mæligildið að ofan.