UV mælir á þaki Geislavarna ríkisins að Rauðarárstíg 10, 105 Reykjavík, er af gerðinni Vantage Pro 2 og framleiddur af Davis Instruments (Hayward, CA, Bandaríkjunum). Mælirinn hleður upp mældum UV gildum á 15 mínútna fresti í gegnum WeatherLink þjónustuna (hér má sjá yfirlit mælisins á Weatherlink). Fyrir hvert 15 mínútna mælitímabil verður til hámarks- og meðaltalsmæling á UV gildi yfir tímabilið. Grafið að neðan sýnir slík hámarks- og meðaltalsgildi fyrir síðustu sjö daga. Þegar sól er lágt á lofti yfir háveturinn skilar mælirinn ekki mæligildum síðla nætur og snemma dags vegna lítillar hleðslu á sólarrafhlöðu mælisins.

Mælingar á UV gildum með Vantage Pro 2 mæli Geislavarna hófust á Rauðarárstíg 19. maí 2022. Grafið að neðan sýnir daglegt hámark mældra UV gilda á mæli Geislavarna á Rauðarstíg 10 síðastliðna 12 mánuði.

Gröfin að neðan sýna áætluð UV gildi á hádegi í Reykjavík og á Egilsstöðum miðað við heiðskírar aðstæður yfir 5 ára tímabil. Þessi gögn voru byggð á reikningum og gervihnattamælingum (EOS-Aura) finnsku veðurstofunnar á þykkt ósónlagsins. Heiltölugildið af UV gildinu kallast UV stuðull. Gögn hættu að berast frá þessari þjónustu vegna tæknilegra ástæðna 24. febrúar 2023 og því er gagnasöfnun með þessari þjónustu lokið í bili. Enn má sjá spá um UV stuðla í Evrópu á vef Finnsku veðurstofunnar en þar er hægt að sjá spá fyrir daginn í dag og tvo næstu daga í Reykjavík. Eftirtaldir aðilar unnu að gerð þessarar þjónustu: FMI, NASA og KNMI (Holland).