Talan að ofan er nýjasta mælda hámarksgildi UV stuðuls skv. Vantage Pro 2 mæli (Davis Instruments, USA) á þaki Geislavarna ríkisins að Rauðarárstíg 10, 105 Reykjavík. Gildið uppfærist á u.þ.b. 30 mínútna fresti. Mismunur í mældu gildi UV stuðuls að ofan og áætluðu gildi að neðan fyrir Reykjavík er að jafnaði vegna mismunandi veðurskilyrða og mismunandi tímasetningar á mældu gildi og áætluðu gildi. Línurit yfir mæligildi síðustu þrjá sólarhringa má sjá neðar á þessari síðu. Línurit yfir mæld gildi UV stuðuls síðustu 12 mánaða má nálgast hér eða með því að smella á mæligildið að ofan. Mæligildi birt til fróðleiks og án ábyrgðar.

Tölurnar að ofan eru mælikvarði á styrk útfjólublárrar geislunar miðað við heiðskírar aðstæður í Reykjavík og á Egilsstöðum, við gefna tímasetningu. Þær eru byggðar á reikningum og gervihnattamælingum (EOS-Aura) finnsku veðurstofunnar á þykkt ósónlagsins*. Heiltölugildið af ofantöldu kallast UV stuðull. Sjá má spá um UV stuðla í Evrópu á vef Finnsku veðurstofunnar. Hægt er að sjá spá fyrir daginn í dag og tvo næstu daga í Reykjavík.

UV mælir á þaki Geislavarna ríkisins að Rauðarárstíg 10, 105 Reykjavík, er af gerðinni Vantage Pro 2 og framleiddur af Davis Instruments (Hayward, CA, Bandaríkjunum). Mælirinn hleður upp mældum gildum á UV stuðli á 15 mínútna fresti í gegnum WeatherLink þjónustuna (hér má sjá yfirlit mælisins á Weatherlink). Fyrir hvert 15 mínútna mælitímabil verður til hámarks- og meðaltalsmæling á UV stuðli yfir tímabilið. Grafið að neðan sýnir mæld hámarksgildi fyrir síðustu þrjá sólarhringa, ásamt áætluðum gildum m.v. heiðskírar aðstæður frá finnsku veðurstofunni. Þegar sól er lágt á lofti yfir háveturinn skilar mælirinn ekki mæligildum síðla nætur og snemma dags vegna lítillar hleðslu á sólarrafhlöðu mælisins.

Línurit yfir hámarksgildi á UV stuðli (mæld og áætluð) síðustu 12 mánuði og áætluð gildi síðustu 5 ár má nálgast hér eða með því að smella á mæligildin að ofan.